سياسة الخصوصية

إحنا مين

حساباتك (Hsabatak) خدمة بتسجّل التحويلات اللي بتوصل محافظك وحساباتك البنكية من رسايل الدفع على موبايلك، عشان إنت وفريقك تتأكدوا إن الفلوس وصلت فعلاً.

بنجمع إيه

بيانات الحساب: اسمك، اسم البيزنس، رقم الموبايل، والإيميل لو سجّلت بجوجل.

رسايل الدفع: تطبيق أندرويد بيبعت رسايل الدفع بس (زي فودافون كاش، إنستاباي، البنوك)، وأكواد التأكيد مش بتخرج من الموبايل.

على الآيفون، أتمتة الشورتكت بتبعت الرسايل اللي فيها رقم 0، والسيرفر بيسجّل منها التحويلات بس. عشان نحسّن قراءة أشكال الرسايل، بنحتفظ بنسخة مشفّرة من كل رسالة بتوصل السيرفر لمدة 45 يوم وبعدها بتتمسح تلقائياً، وأي رسالة فيها كود تأكيد بتتخزن بعد ما الأرقام اللي فيها تتشال.

بيانات تقنية للموبايل المتوصل: اسمه، نسخة النظام، وآخر مرة اتصل.

بنستخدمها في إيه

نص رسالة الدفع اللي صيغتها مش معروفة ممكن يتعالج عند مزود خدمة ذكاء اصطناعي عشان نقرا الدفع بس، بعد إخفاء أرقام البطاقات والحسابات، ومش لأي غرض تاني.

عشان نعرض لك ولفريقك التحويلات والأرصدة والتقارير، ونبعتلك إشعارات بالتحويلات.

مش بنبيع بياناتك ومش بنشاركها مع حد غير مزودي الخدمة اللي بنحتاجهم عشان نشغّل الخدمة (الاستضافة والإشعارات)، وميتا لقياس الإعلانات بالبيانات المحددة تحت.

لما حد يفتح حساب أو يدفع اشتراك من الموقع أو تطبيق حساباتك، بنشارك مع ميتا رقم الموبايل والإيميل بعد تحويلهم لبصمة رقمية، ومعاهم عنوان الإنترنت وبيانات الجهاز لو متاحة، عشان نقيس أداء الإعلانات. محتوى الرسايل النصية أو رسايل المحافظ وبيانات تحويلات عملائك مش بتتشارك مع ميتا أبداً.

بنستخدم Google Analytics على الموقع عشان نفهم الزيارات وخطوات التسجيل والاشتراك، باستخدام ملفات تعريف الارتباط وبيانات الاستخدام. مش بنبعت له اسمك أو رقم موبايلك أو إيميلك أو محتوى رسايل الدفع.

الأمان

نص الرسايل متخزّن مشفّر. الخدمة بتقرا رسايل الدفع بس، ومش بتقدر تحوّل أو تسحب أي فلوس، ومش بتطلب باسورد أو رقم سري لمحافظك.

تسجيل الدخول بجوجل

لو دخلت بحساب جوجل، بناخد اسمك وإيميلك وصورتك الشخصية بس عشان نعمل حسابك ونعرفك. مش بنوصل لأي بيانات تانية في حسابك على جوجل.

حذف البيانات

تقدر تطلب حذف حسابك وكل بياناته في أي وقت من صفحة hsabatak.com/delete-account أو بإيميل على [email protected]، وبنحذفها خلال 30 يوم.